מקורות
והסירתי את כפי וראית את אחרי אמר רב חנא בר ביזנא א"ר שמעון חסידא מלמד שהראה הקב"ה למשה קשר של תפילין:
ר' יהודה בריה דרבי שמעון בן פזי ק"ג פרשיות אמר דוד ולא אמר הללויה עד שראה במפלתן של רשעים שנאמר {תהילים קד-לה} יתמו חטאים מן הארץ ורשעים עוד אינם ברכי נפשי את ה' הללויה.
{יב}ויאמר משה אל יהוה ראה אתה אמר אלי העל את העם הזה ואתה לא הודעתני את אשר תשלח עמי ואתה אמרת ידעתיך בשם וגם מצאת חן בעיני: {יג} ועתה אם נא מצאתי חן בעיניך הודעני נא את דרכך ואדעך למען אמצא חן בעיניך וראה כי עמך הגוי הזה: {יד} ויאמר פני ילכו והנחתי לך: {טו} ויאמר אליו אם אין פניך הלכים אל תעלנו מזה: {טז} ובמה יודע אפוא כי מצאתי חן בעיניך אני ועמך הלוא בלכתך עמנו ונפלינו אני ועמך מכל העם אשר על פני האדמה: (פ) {יז} ויאמר יהוה אל משה גם את הדבר הזה אשר דברת אעשה כי מצאת חן בעיני ואדעך בשם: {יח} ויאמר הראני נא את כבדך: {יט} ויאמר אני אעביר כל טובי על פניך וקראתי בשם יהוה לפניך וחנתי את אשר אחן ורחמתי את אשר ארחם: {כ} ויאמר לא תוכל לראת את פני כי לא יראני האדם וחי: {כא} ויאמר יהוה הנה מקום אתי ונצבת על הצור: {כב} והיה בעבר כבדי ושמתיך בנקרת הצור ושכתי כפי עליך עד עברי: {כג} והסרתי את כפי וראית את אחרי ופני לא יראו: (פ)